سافر بقى | Ali Mostafa

سافر بقى"
الشعر قال
كان جوز عيال
رسموا الخيال
كان حلم وردي وفيه فرح
زال اللي زال
زلزل جبال
والحلم طال ومافيش فرح
جرح اتفتح
حبه قرح تتعب وغاليه ف الدوا
الحلم مات
مجلمش بيه
والذكرايات بتقطعه
بتفتفته
بتطلع العقد اللي فيه
حبو زمان
حب الصبا
جاله الوبا
اول ما قالو هتتخطب
عيل طري
جلده رطب
والتاني شقق م الشقا
والبت غصب هتتنهب
والواد ياعيني
جبل هموم دايس عليه
بيحس روحه بتتسحب
ويا اما شبكه ويا مهر
اما ويل وعذاب وقهر
ويكون نصيبها لأبن بيه
علشان يادوب
الفرق كام مليون جنيه
والواد ما حلتوش اللضا
ماملكش الا محبته
وقلب محمي من الصدا
منحقه يعشق قلب بنت تخاف عليه
جاله القضا
انسي اللي كنتا تحبها
رزقك ف صبرك والرضا
ما تقولش يوم هرجعلها
سافر عشان ترجع محمل بالدهب
وانسي كمان طعم الشقا
وانسي كمان المرمطه ويا التعب
واوعاك تفكر ف اللقا
سافر بقي
واخينا سافر
غابله يجي 10 سنين
ينسي اللي كانو عاشقين
وصاحبنا راجع زي بيه
راجع محمل بالدهب
وجمعله كام مليون جنيه
ف الدنيا هتشوفو العجب
صدق خطب !
بنت وبريئه كويسه
كات عاشقه واد رييه زمان
سافر عشان يبقالها بيه
يرجع معاه مليون جنيه
يلقاها في حضن الغريب
ويحس هو بخوف مريب
يمشي يقول
الشعر قال
كان جوز عيال
رسموا الخيال
كان حلم وردي وفيه فرح
زال اللي زال
زلزل جبال
والحلم طال ومافيش فرح

#سافر

#Ali_Mostafa