احكيلها وقولها
..
بتحبها !! طب قولها
كان في واحدة قبلها
حبت قوي من قلبها
واحكيلها كل الحكاية
وأمانة ماتنسى البداية
فاكرها ولاأفكرك
هفكـــــــــــرك
احكيلها عالقلب اللي خان
وكمان الحب اللي هان
احكيلها عن فرع الأحلام
اللي اتكسر قبل الأوان
احكيلها عن ضحكة عشقتها
وفرحة من عيني سرقتها
احكيلها عني
احكيلها عني وقولها
إني كنت يوم زيها
أنا بس ولا ليا بديل
أنا حلم كان يوم مستحيل
وأخيراً اتحقق بعد سنين
احكيلها عن أيام زمان
قولها نفسي أجيب منك عيال
احكيلها عن كل اللي كان
قولها مهما كبرتي
بُعدي عنك محال
احكيلها وقولها
وخدها لنفس المكان
اتمشوا سوا عالكورنيش
خليها في الأحلام تعيش
اركبوا مركب في النيل
اكتب فيها قصيدة
غنيلها أغنية
وعلى شط اسكندرية
ارسم قلبين
وقولها قريب هنجيب دبلتين
بس ماتنساش تقولها
قلت الكلام ده
لكام واحدة قبلها
واحكيلها وقولها
__________
دعاء نوح
أكسجين حروف
__________
دعاء نوح
أكسجين حروف
ليست هناك تعليقات:
إرسال تعليق